સરહદ વિવાદ / ભારત-ચીનના સૈન્ય કમાન્ડરો વચ્ચેની બેઠકમાં વિવાદનું શાંતિપૂર્ણ સમાધાન કરવા સંમતિ થઈ, એક મહિનાથી સંઘર્ષ ચાલી રહ્યો હતો

નવી દિલ્હી. પૂર્વી લદ્દાખમાં સેનાઓ વચ્ચે તણાવ સમાપ્ત કરવા
ભારત અને ચીન વચ્ચે શનિવારે લેફ્ટનન્ટ જનરલ લેવલના સૈન્ય કમાન્ડરો વચ્ચે ચર્ચા થઈ હતી. રવિવારે વિદેશ મંત્રાલયે આ અંગે માહિતી આપી હતી. મંત્રાલયે કહ્યું કે હવે ચીન આ સમગ્ર વિવાદને શાંતિપૂર્ણ રીતે સમાધાન કરવા તૈયાર છે. દ્વિપક્ષીય કરાર મુજબ બંને પક્ષો સરહદી વિસ્તારોમાં શાંતિપૂર્ણ સમાધાન પર સહમત થયા છે.
વિદેશ મંત્રાલયે કહ્યું કે, બંને દેશો વચ્ચે વાતચીત ખૂબ જ શાંતિપૂર્ણ વાતાવરણમાં થઈ હતી. બંને પક્ષે રાજદ્વારી સંબંધોની 70મી વર્ષગાંઠને પણ યાદ કરી. બંને દેશોએ સંમતિ આપી કે આ મુદ્દાના ઝડપી સમાધાનથી સંબંધોમાં પરિણમશે. “પહેલા સિક્કિમ અને પછી લદ્દાખમાં વાસ્તવિક નિયંત્રણ રેખા (એલએસી) પર બંને દેશો વચ્ચે તણાવ થયો હતો. તેની શરૂઆત 5 મેના રોજ પૂર્વી લદ્દાખના પેંગોંગ તળાવથી થઈ હતી.
મેમાં બંને સૈન્ય વચ્ચે ત્રણ અથડામણ થઈ હતી
આ મહિને ભારતીય અને ચીની સૈનિકો વચ્ચે ત્રણ અથડામણ થઈ છે. આ ઘટનાઓ પર ભારતીય વિદેશ મંત્રાલયે કહ્યું હતું કે ભારતીય સૈનિકો તેમની સીમાની અંદર પ્રવૃત્તિઓ કરે છે. ભારતીય સૈન્યની એલએસીની બહારની પ્રવૃત્તિઓ યોગ્ય નથી. હકીકતમાં, આ ચીનની ક્રિયાઓ છે, જેના કારણે અમારી નિયમિત પેટ્રોલિંગ અવરોધાય છે.
આ મહિનામાં ક્યાં,ક્યારે અને કેવી રીતે અથડામણ થઈ?
1) તારીખ- 5 મે, સ્થળ- પૂર્વલદ્દાખમાં પેંગોંગ તળાવ
તે દિવસે સાંજે, આ તળાવની ઉત્તર બાજુએ ફિંગર -5 વિસ્તારમાં 200 જેટલા ભારત-ચીની સૈનિકો સામ-સામે થઈ ગયા. ચીની સૈનિકોની હાજરી સામે ભારતે વાંધો ઉઠાવ્યો હતો. આખી રાત સંઘર્ષની સ્થિતિ યથાવત્ રહી. બીજા જ દિવસે બંને પક્ષે સૈનિકો વચ્ચે ઝઘડો થયો હતો. બાદમાં બંને પક્ષના ઉચ્ચ અધિકારીઓ વચ્ચેની વાતચીત બાદ મામલો ઉકેલાયો હતો.
2) તારીખ- સંભવિત 9 મે, સ્થળ- 16 હજાર ફૂટની ઊંચાઈએ ઉત્તર સિક્કિમમાં નકુ લા સેકટર
અહીં ભારત અને ચીનના 150 સૈનિકો સામ-સામે થયા હતા. તેની તારીખ સત્તાવાર રીતે જાહેર કરવામાં આવી નથી. જોકે, ધ હિન્દુના એક અહેવાલ મુજબ, અહીં અથડામણ 9 મેના રોજ જ થઈ હતી. પેટ્રોલિંગ દરમિયાન સૈનિકોએ સામ-સામે એકબીજા પર મુક્કો માર્યો હતો. આ અથડામણમાં 10 સૈનિકો ઘાયલ થયા છે. બાદમાં અધિકારીઓએ પણ અહીં દરમિયાનગીરી કરી. પછી અથડામણ બંધ થઈ ગઈ.
3) તારીખ-સંભવિત 9 મે, સ્થળ-લદ્દાખ
ઉત્તર સિક્કિમમાં જે દિવસે ચીન-ભારત સૈનિકોની ટક્કર થઈ તે દિવસે ચીને તેના હેલિકોપ્ટર લદ્દાખમાં વાસ્તવિક નિયંત્રણ લાઇન પર મોકલ્યા. ચીની હેલિકોપ્ટર સરહદ પાર કરી શક્યા ન હતા, પરંતુ તેના જવાબમાં ભારતે લેહ એરબેઝથી 30 એમકેઆઈ ફાઇટર પ્લેનનો અને બાકીના ફાઇટર એરક્રાફ્ટનો કાફલો મોકલ્યો હતો. મીડિયા રિપોર્ટ્સ અનુસાર, તાજેતરનાં વર્ષોમાં આ પહેલીવાર છે જ્યારે ચીન દ્વારા આવી કાર્યવાહીના જવાબમાં ભારતે પોતાનું લડાકુ વિમાન સરહદ પર મોકલ્યું હતું.